4 August 2009
《文字少年•耐熱》預告
唔同你玩最緊要｛正｝字，我淨係想同你用文字講故事。
唔同你玩火星文同埋潮語，我淨係想同你纏綿共赴雲雨。
其實你知唔知道－－
「孫中山先生」結構有問題？
「嫦娥個老公」同「哭長城條女」姓乜？
「坐北向南」唔止係風水咁簡單？
「辨事」究竟有冇寫錯字？
「母」字入面嗰兩點係咩意思？
「毓」字「元」來好有意義你又知唔知？
「百姓點燈」原來關文字獄事？
「簡體字」帶住先天隱疾出世？
「雞」同「鷄」邊隻係真雞邊隻係假雞？
「九大簋」巴巴閉定係冇智慧？
「一言九鼎」唔通真係貪佢夠重？
「孫悟空」點解係馬騮精？
「安伊宇衣於」又係啲乜嘢？
「神智體」勁過「腦殘體」咁犀利？
漢字－－世上僅存嘅意音文字。
漢字－－原來文字唔止係溝通嘅工具。
《文字少年•耐熱》，要開波啦！
