30 March 2010
夏留事件簿(1)
其實一年前知道英文系有個program可以subsidize minor in German嘅同學去讀course嘅時候，就已經做好心理準備，如果搵到工就會喺呢個最後嘅暑假去磨練一下。但畢竟時間實在太早，想準備都準備唔嚟。漫長等待之後，終於踏入二零一零，唔單止搵到工，畢業亦都開始倒數。係時候啦，於是喺DAAD拎咗最新一年嘅summer course資料，希望搵到適合嘅course。係呀，要自己搵的。雖然有subsidy，但係其實全部嘢都要自己一腳踢，學校、課程、活動、交通、study plan、culture project全部自己搞掂，做得齊齊整整先有得claim。唔緊要，要攞著數，辛勤當然係必需㗎啦，但估都估唔到嘅係竟然會面臨「撞期」咁嚴重嘅問題！
原來HKICPA旗下QP嘅compulsory workshop有四堂，堂堂都計分，而最麻煩嘅係每三、四個星期就要上一堂……咁我點去外國讀summer course兼backpacking？或者係我豬標，冇早啲去了解QP呢樣咁神聖、咁重要嘅嘢？但我又見唔少人都係同我一樣，大約一個月前先知道QP workshop原來係咁樣；而當中有啲人（包括我）本身有留學、summer exchange或者其他計劃，就要趕住喺QP earlybird截止日期，即係十日之前，逼自己做出決定－－考定唔考。去grad trip就易搞啲，最多咪中間嗰啲日期去囉，但係報course報exchange嘅話，好多application根本就未open，未知道自己去唔去到、sub唔sub到。所以兩個幾星期之前，真係天人交戰，好唔開心。
或者你會問，QP係咪真係咁緊要？其實我都覺得見識多啲，完成自己嘅夢想緊要啲。偏偏HKICPA又改制，將QP改做enhanced QP，由今年下旬開始就會用新module、新syllabus。當中最難啃嘅係，module B嘅syllabus將會多咗近一倍，有好多嘢根本係major in Finance先識，有導師更加comment話新嘢入面，有啲根本要成個regular semester course先教到一個新topic。面對最後一個考舊制module B嘅機會，earlybird幾乎係唔報唔得。但係佢workshop啲日子，同我篩選出嚟啲course都撞哂喎，點算好？
唔知係咪個天可憐我，定係多得自己揀咗間啱feel啲嘅公司呢？公司嘅in-house QP workshop竟然啱啱好，前後包住我想去嗰兩個course嘅日期！見到嗰吓真係想喊！但係都未開心得住，因為一定要去之前上星期六、返唻之後上星期日嘅workshop，然而航程時間長，又唔知搞course嘅院校可唔可以提前、褪後check in/out時間，所以都未可以咁快決定。等咗好幾日，終於問咗公司話可以儘量幫我調堂，亦等到兩間有興趣嘅院校回覆電郵，話check in/out嗰度冇問題，我先至放心交QP earlybird嘅application同埋最緊要嘅錢。雖然讀得書嚟，已經冇時間可以周遊列國或者backpacking，但係都冇辦法啦。下一步就係揀實讀邊個course同買機票……
11 January 2010
一技之長－－琴是因為我的軟弱而沙啞的
一技之長是逆境下的綠洲，是懸崖下的救命草，是瓦礫下的防災罐頭，能使你不致絕望而死、飢荒而亡。想說的並不是甚麼專業技能，而是一些在你上學、輟學、待業、失業時，能靠之賺錢過活的知識。可以是鋼琴或是各式各樣的樂器，可以是游泳、舞蹈、球類運動，也可以是語言上的。
有別於學業上的知識，這些籌碼不但對藝術修養或是體能健康有所裨益，與補習相較之下，也多了些知識技巧的教授，少了些誤人子弟的感受。不用納稅的收入，在這不怎麼景氣的社會環境中，更隨時成為你的臨時飯票。想到這兒，不禁對自己的過去泛起一個個問號和嘆號：為甚麼當天手中拿的是中提琴，為甚麼沒有耍別扭嚷着要學日語，為甚麼沒有繼續待在水裏。
運動是令人快樂的。曾經我也善於在水中飛躍，可惜在中學年代一直缺乏運動，就連重要的發育時期也錯過了，現在就這麼一副矮小單薄的身材，實在追悔不已。在腦海中搜索，卻找不到不愛運動的因由。
幸好現在我已治好了文靜病，重新愛上游泳，偶爾打打球，保持身心健康。其實我也喜歡跳舞，很久以前便想要學capoeira，最近也學了一些街舞的基礎。但我知道我是沒法成為舞者的，因為我總是視它為運動而非興趣。接下來想要學會的，是直排輪。應該會很享受吧，因為憧憬的不是型格，而是那份自由的感覺。
無法成為當中一員，但運動類導師卻是最容易碰見的，大概不少人都交過學費吧。還真羨慕他們，畢竟那也算是寓工作於娛樂，而且看到學生成長的滿足感也是最大的吧。
弦上松香弦下末
樂器班是母校在千禧年引入的玩意，真正的目的大抵是其衍生的產物－－管弦樂團。中學生的樂團演奏，可是與其他學校爭一日長短的利器。我也曾經隨團在文化中心演出過，的確是很威風、很得意，還有一張不知丟到哪兒去的紀念光碟呢。
儘管如此，我學不好，也不喜歡中提琴。應該說，我對弦樂完全沒有好感。也不對，應該是「對弓弦樂沒有好感」，因為浪漫的鋼琴和漾著神話味道的豎琴也是弦樂器阿。
記得當年想要學的其實是巴松管，它那廣闊的音域和結實的音色實在教人着迷。然而因它身價高昂，名額只有兩個，我卻是那第三名，所以我被分配到的，是中提琴班。
為甚麼是我不喜歡的弓弦樂？因為當年沒有主見的我，草草問了家人的意見，便隨母親的喜好在次選一欄挑了一個貌似是「Violin/Viola」的選項。
為甚麼是中提琴不是小提琴？也許是首選該欄的已經擠滿小提琴班了吧，但我總覺得背後有着音樂老師的陰謀。我是這樣以為的：通常是學過小提琴或大提琴的，才會去學中提琴吧？是為了填充指揮右前方的空位，才會讓初學樂器的學生學習中提琴吧？是這樣吧？
當然，中音譜號的違和感和跑龍套的角色，其實只是懶惰和沒天份的藉口。但是三、四年也沒有讓學生去考樂器的導師，又是用甚麼心態去教導呢？
今天我已不懂再讓提琴謳歌了，記憶中餘下的就只有ADGC，pizzicato的指痛，還有松香末的黏稠。依舊乏力的手，或許從來都不適合拉琴，琴是因為我的軟弱而沙啞的。
標的是四文五語
外語，雖然要比音樂或運動更為專精才能帶來直接收入，但在職場上卻有額外的加持作用。東洋風盛，動漫遊戲、劇集影片、音樂資訊充斥着年輕人的生活，轉眼間我已經認識了日語十年，卻從來沒有正式學習過這語言。即使積累至今的詞彙量不低，對於文法句式卻是所知無幾。
沒有不愛看日本動畫的孩子，當年小學的我學會五十音平假名，也是被那隻黃色電氣鼠所啟蒙。嗯，就是那瘋魔全球，至今已播放六百多話的人氣動畫Pocket Monster。小朋友對於那樣有趣的東西，是沒有抵抗力的，甚至想要了解更多。當年一百五十一個架空怪物的名字，除了沒有「ヌ、ヲ」外，大抵已涵蓋了整個五十音表，而我就是這樣學會了片假名。
初中的時候也有買過書，想要自學日語，可是實在太枯燥乏味了，最終還是失敗。純粹是從不同的媒介繼續與它接觸，卻又對它不熟識。唯一想知道的是，如果小時候有在外面學習的話，現在的自己會有怎麼樣的不同。
比較沒有料想到的，是我在大學副修德語了。也不知道自己是被同學的Schokolade，湯盈盈的lecker，還是柿原徹也的Schwalbefliegen所吸引，在那個夏學期選修了German 1試刀。後來在決定從副修財務學轉為德語時，內心真是天人交戰，也問了很多學姐、學長和朋友的看法。現在回想，我做對了決定呢！
慶幸的是課程頗為溫和，不重於催谷學生的程度，即使修讀的學分較多，也不會感到太大壓力。雖然學習速度較慢，但時間浸淫下，不但能穩紮根基，亦讓學生更喜歡所學習的東西。只是較高程度的課程，便要在畢業後自費學習了，這大概是最大的壞處吧。
不知道畢業後多久，才有銀兩在歌德學院延續我的德語學習之路？還有日語，雖然有自信學得好，卻沒有那種美國時間。想遠一點，其實翻譯員也可以是充滿挑戰性的職業，不知道現實生活中有沒有妮歌潔曼那種《叛譯者》？
概括而言，過往的我在學習技能方面是失敗的。但也因為錯了，才體悟到「不喜歡的，不要將之當作次選或後備」的真理。哪天我不再負債的時候，也花點錢讓外甥女兒學些甚麼吧？家有千金，不如一技傍身；比起物質，還是專長來得重要阿。不過當下父母讓子女參與的課外活動，或許已經能救人七命了。
16 August 2009
GerGer的夏天: Biergarten
德國菜在香港似乎並不普遍，是甚麼原因呢？
是德國沒有飲食文化嗎？
是德國菜不適合香港人口味嗎？
還是因為沒有甚麼好的德國餐廳？
在這一刻，
忙着上班、上學的我尚未能夠給一個答案。
但有機會的話，
我是很樂意去感受和學習這種文化的。
也因為這個原因，在這個夏天，
我和友人到尖沙咀的 Biergarten 吃了一餐。
其實心裏更想的是在那兒吃晚飯，也可以喝酒，可是－－太奢侈了。
來看看午餐菜牌，有牛、有魚、有 Cordon Bleu。
Cordon Bleu 原來是捲着 ham & cheese 的炸雞胸肉，不過好像是法國菜！
最後我點了 Rinderrippchen（牛仔骨），朋友點了剛說的雞胸卷，
九十元左右的午餐，還可以接受啦。
噯，這就是以前在課本上常常讀到的 Gemüsesuppe（雜菜湯）嗎？
還真不錯呢，
可是我記憶中最好的餐湯還是法式的洋蔥濃湯。
再來就是主菜了。
這是我點的牛仔骨呢！
真的很好吃，
連脂肪也令人很感動！
不過我想說的是，
那個伴碟也太過分了吧？
用了單純白色的大碟子，
卻只有半顆車厘茄？
這樣看到的會覺得很難過，
用餐的也會覺得很沒氣氛！
就連朋友的雞胸卷也是這樣空虛呢。
不過真是太好了，因為終於找到另外的半顆車厘茄了。
2 July 2009
GerGer的夏天: Cinema
為咗要多方面咁吸收德國文化，我好早就已經買定飛睇戲。
可惜嘅係－－
雖然套戲係英文對白，但戲種係紀錄片，所以真係好悶。
不過有一幕係主角喺類似車站嘅地方玩snare drum，好鍾意呢。
阿，好想打小鼓阿。
早知細個時參加民安隊少年團啦。
29 June 2009
GerGer的夏天: Library
雖然暑假令人懶惰，但如果真係有心學嘢，總會花多啲金錢同時間去做嘅。
所以我上個月真係去咗歌德學院（Goethe-Institut）個圖書館度整咗張圖書証。
不過呢，其實除咗音樂我成日聽之外，文字我真係冇咩心機睇。
真係對自己有少少失望！
好在今個星期，終於借到本《讀愛》（Der Vorleser），
希望會有啲心機同時間，好好咁睇吓、讀吓、學吓啦！
14 February 2009
讀愛
夜深喇，我重溫緊德文。
雖然喺誠品買咗本德漢漢德字典，但網上字典已經成為更加方便快捷嘅學習工具。
有啲想讚自己有語言天份，不過其實我課堂學習嘅速度亦唔係好快－－
或者咁樣慢慢學、慢慢練習、慢慢活用，先係最好同最有效嘅學習方式啦！
如果我同你講琦溫絲莉，你可能知道佢呢期同里安納度狄卡比奧再度合作。
冇錯，不過嗰齣戲係啱啱上畫嘅《浮生路》，唔係我想講嘅《讀愛》。
《讀愛》係琦溫絲莉另外一齣電影，會喺下一個月先上映。
憑住呢套戲，佢唔單止喺金球獎攞咗最佳女配角，重嬴埋「英國奧斯卡」嘅最佳女主角添！
唻緊嘅奧斯卡金像獎，佢都會憑《讀愛》去角逐影后㗎。
好喇，唔講肥溫喇，其實我最初都冇諗住講佢……
講返《讀愛 The Reader》，佢嘅原著係德國小說《Der Vorleser》，
而呢樣嘢亦係令我豎起耳仔聽吓收音機究竟講緊乜嘅原因。
每次做完愛之後，女主角都會要男主角充當朗讀者，讀一篇文學作品畀佢聽。
聽落好似好得意又好似好浪漫咁，但其實－－女主角係一個文盲。
呢一部作品係用咗男主角對年紀較大嘅女主角嘅性愛，去隱喻德國人對納粹主義的感覺。
記得電台節目主持人大概係咁形容的：
「由最初唔明白嘅狂熱，到因知悉而疏遠，到最後選擇淡忘。」
呢三個階段，唔單止係男主角感情嘅寫照，亦係德國人喺歷史漩渦中嘅心情。
不過年輕又唔熟識西方歷史嘅我哋，大抵冇辦法好深切咁感受到箇中嘅感受吧！
我諗，有機會嘅話，不如買本《讀愛》嘅德文原著睇吧。
我相信咁樣會係聽歌以外，另一種幾好嘅自我進修方式呢。
係唔知去邊度買德文版嘅小說啫！
Der Vorleser, written by Bernhard Schlink
小說譯名：《朗讀者》、《我願意為你朗讀》
電影譯名：港《讀愛》、台《為愛朗讀》、中《生死朗讀》
